174 total views
Ito ang naging pahayag ni Diocese of Marbel Bishop Dinualdo Gutierrez matapos na mapayapang maipamahagi ang dalawang libong sako ng bigas sa mga magsasaka nag–barikada sa Koronadal City, General Santos Highway, South Cotabato.
Gayunman, aminado si Bishop Gutierrez na panandaliang tulong lamang ang bigas na ibinigay ng national government at balik sa gutom na naman ang mga magsasaka dahil sa hindi konkretong pagtatakda ng programa ng national government sa mga apektado ng El Niño.
“No, maliit lang yan it is not enough kaya nga sabi namin nag–usap–usap muna sila. They could have planned ang further distribution sapagkat pagkatapos ano na ang gagawin ng national government, wala na. Magbigay tapos wala na sila at mag–rally na naman ang mga tao,” bahagi ng pahayag ni Bishop Gutierrez sa panayam ng Veritas Patrol.
Inihayag ni Bishop Gutierrez ang pangunahing pangangailangan ng mga magbubukid tulad ng binhi at ang tuluyang suplay ng bigas.
“Marami mga seeds, kailangan nila ang mga seeds. They want a comprehensive rehabilitation, tuloy yung pagbigay ng bigas then umuulan na dito in some areas they could start planting. Sa Sarangani, tuloy – tuloy na ‘yung ulan more than one month na so pwede na sila makatanim. While waiting for the harvest the government should help the farmers sa bigas. Siguro parang one year pa na plano ito,” giit pa ni Bishop Gutierrez sa Radyo Veritas.
Batay naman sa pinakhuling datos ng Office of the Provincial Agriculture ng South Cotabato mahigit P156 milyong halaga na ang kabuuang danyos sa mga pananim at hayop ng mga magsasaka roon.
Habang nasa mahigit apat na libong pamilyang magbubukid naman ang apektado na ng matinding tag – tuyot.
