219 total views
Inihayag ni dating US Vice President Al Gore at isang environmentalist na maari siyang maging katoliko dahil na rin sa pagbabantay ng Simbahang Katolika para mapangalagaan ang kalikasan.
Ayon kay Lou Arsenio, ecology ministry coordinator ng Archdiocese of Manilam ito ang inihayag ni Gore sa kanyang talumpati sa Climate Reality Leadership Corps (training/seminar) na isinagawa kahapon at magtatapos bukas, March 16, 2016 sa Hotel Sofitel Maynila.
Sa lecture ni Gore na Science of Climate Change 101, inihayag nito ang paghanga sa Simbahan dahil sa pagkilos para labanan ang pagbabago ng klima partikular na si Pope Francis matapos na rin itong maglabas ng kanyang encyclical on ecology na ‘Laudato Si’.
Si Al Gore ay isang Baptist.
“Sa Lecture ni Al Gore, ang The Science of Climate Change 101, ano ba ang climate change, why meron natyo nito, ano ang impact, he really praise for Pope Francis, and because of him sabi ni Gore “I can become a catholic, as he walks his talk, (Pope Francis)” sana lahat tayo ganun.” Pahayag ni Arsenio sa panayam ng Radyo Veritas.
Ayon pa kay Arsenio, binigyang bigat din sa seminar ang pagiging katolikong bansa ng Pilipinas kaya’t kumuha rin sila ng kinatawan para magsalita mula sa Catholic Bishops Conference of the Philippines (CBCP) kung saan tinalakay ni Rev. Fr. Edu Gariguez ang “Climate Change and Faith” kung saan marami siyang ibinahagi mula sa iba’t-ibang encyclical at pastoral letters ng mga obispo.
Dagdag ni Arsenio ang 31st training corps na ito ang sinasabing nakakuha ng may pinakamalaking participants na umaabot sa 750 habang nasa 36 ang mentors.
Isa sa naging epekto ng climate change ay ang malalang pamiminsala ng mga bagyo gaya ng Typhoon Yolanda na nananalasa sa bansa noong November 2015 kung saan nasa 16 na milyong indibidwal ang naapektuhan, halos 8 ,000 ang kumpirmadong nasawi at bilyong bilyong pisng halaga ng ari-arian ang nasira.
