1,964 total views
Itinuturing na biyaya ng Philippine National Police – Chaplain Service ang paglilingkod at pagsisilbing gabay ng mga kawani ng tanggapan sa pag-iikot sa bansa ng Pilgrim Relics of Saint Therese of the Child Jesus.
Pagbabahagi ni PNP-Chaplain Service Director Police Brigadier General Msgr. Jason Ortizo, itinuturing nilang isang biyaya at karangalan na maglingkod at tiyakin ang kaayusan at kapayapaan sa ikalimang pagbisita ng relikya ni Sta. Teresita sa bansa.
Ayon kay General Ortizo, may pambihirang puwang sa puso at pananampalataya ng mga kawani ng PNP at Armed Forces of the Philippines ang pananalig kay Sta. Terisita kaya naman buong pusong handang maglingkod ang mga pulis at sundalo sa pagtiyak ng kaayusan ng pag-iikot sa bansa ng Pilgrim Relics of Saint Therese of the Child Jesus.
“Of course involve ang ating mga kapulisan at ang ating mga kasundaluhan sa pag-iikot ng relic ni St. Therese, sobrang napakalaking blessing in fact this is the 5th relic visit of the relic of St. Therese and talagang alam naman natin na very miraculous ang relic ni St. Therese and she had this special heart for the uniformed and law enforcers personnel kaya nangunguna ang mga kapulisan, kasundaluhan sa kayang pinaparoonan kahit saang iba’t ibang sulok ng Pilipinas.” Pahayag ni Msgr. Ortizo sa Radyo Veritas.
Ang relikya ni Sta. Teresita ay dumating sa bansa noong ikalawa ng Enero, 2023 kasabay ng ika–150 kapangakan nito at magtatapos naman ang pagdalaw sa bansa sa ika-30 ng Abril, 2023.
Tema ng pagdalaw ng relikya ni Sta. Teresita ang ‘Lakbay Tayo St. Therese! Ka-Alagad, Kaibigan, Ka-Misyon!’
Unang dumalaw sa bansa ang pilgrim relic ni St. Therese taong 2000 at nasundan noong taong 2008, 2013, at 2018.
