517 total views
Muling nanindigan at kinundena ang European Union (EU) ang patuloy na pananakop ng Russia sa Ukraine.
Ayon sa EU, ang ginanagawa ng Russia simula pa noong February 24 ay malinaw na paglabag sa international laws at mga patakaran sa United Nations.
Nangako rin ang Komisyon sa pagpapataw ng sapat na parusa sa Russia dahil narin umaabot na sa 13-milyong Ukrainian national ang kinailangang lumikas at nawalan ng tirahan ng dahil digmaan.
“In a determined and united response, the EU is making it as difficult as possible for the Kremlin to pursue its aggression on Ukraine. To this end, it has adopted several packages of sanctions, the first of which was agreed by all EU countries the day after Russia’s invasion. EU sanctions have already taken a heavy toll on the Russian economy. They target Russia’s financial system, its high-tech industries, its energy, transport and trade sectors, and its corrupt elite,” ayon sa pahayag ng EU
Nanawagan ang EU sa international community ng donasyon sa mga humatarian at religous groups na tumutugon sa pangangailangan ng mga refugees.
Sa tala ng komisyon ay umaabot sa 5.4-milyong Ukrainian refugees ang kinakalinga ng komisyon.
Paalala ng E-U sa lahat ang pag-iwas sa mga ‘fake news’ o maling impormasyon na kumakalat sa mga social media platforms hinggil sa mga balita sa nagaganap na digmaan.
“The EU continues to actively counter the spread of online disinformation and misinformation to protect European values and democratic systems,” ayon pa sa Komisyon.
Una naring namahagi ang Caritas Manila ng financial aid na aabot isang milyong piso sa Caritas Ukraine.
Noong Marso ay nakiisa ang Simbahang Katolika ng Pilipinas sa Kaniyang Kabanalang Francisco sa pagtatalaga sa Ukraine sa pangangalaga ng Kalinis-linisang Puso ng Mahal na Birheng Maria.
