300 total views
Ito ang mungkahi ni Gina Lopez matapos patalsikin ng Commission on Appointments bilang kalihim ng Department of Environment and Natural Resources.
Iginiit ni Lopez na tunay ang malasakit ng Pangulong Duterte sa mga mahihirap na apektado sa pagkasira ng kalikasan.
Tiwala ang dating kalihim na matutuloy ang mga magagandang programa ng DENR kung ang pangulong Duterte ang mangangasiwa sa ahensiya.
Tiniyak naman ni Lopez na tuloy ang kanyang adbokasiya sa pangangalaga sa kalikasan.
“Right now I just wanna make sure the things that we want to do in DENR are continued. Ang gusto ko sana yung DENR hindi na maging-regulatory pero developmental and kailangan kausapin ko yung Presidente na sana yung changes that we started in whatever ay magpatuloy because my choice is he may step [into]”.pahayag ni Lopez sa Radio Veritas
Sa panayam ng Radyo Veritas sa Programang Veritas Pilipinas, sinabi ng kalihim na bukas pa rin ang komunikasyon nito kay Pangulong Rodrigo Duterte, at titiyakin nitong hindi masasayang ang mga nasimulan nilang programa sa ahensya.
Aniya, kung mararamdamang ng mahihirap na komunidad na malaki ang kanilang pakinabang sa kalikasan, ay sila na mismo ang mangunguna sa pangangalaga nito.
Kaugnay nito, inihayag din ni Lopez na nagsilbing gabay sa kanyang maikling panahon ng pamumuno sa Department of Environment and Natural Resources ang encyclical na Laudato Si ni Pope Francis kaya labis na naging malapit sa kanyang puso ang simbahan.
“He’s so magnificent I mean everything what he … the air, the environment, we should have efficiency, we should not give in to business interests. [for me], he is my best Pope,”papuri ni Lopez
Sa kabila naman ng desisyon ng komisyon, nangako ang mga Obispo ng Simbahan patuloy nitong susuportahan ang mga adhikain ni Lopez para sa kapaligiran.
