946 total views
#DakilangAntiponangO | 𝐃𝐢𝐬𝐲𝐞𝐦𝐛𝐫𝐞 𝟏𝟗 • 𝐎 𝐑𝐀𝐃𝐈𝐗 𝐉𝐄𝐒𝐒𝐄
Naputol na tulad ng punongkahoy, ang paghahari ng anak ni Jesse.
Ngunit katulad ng pag-usbong ng mga bagong sanga sa pinutol na puno,
sa lahi niya’y lilitaw ang isang bagong hari.
Sa araw na iyon, lilitaw ang isang hari mula sa angkan ni Jesse,
at ito ang magiging palatandaan para sa mga bansa.
Ang mga bansa’y tutungo sa banal na lunsod upang siya’y parangalan. (Isaias 11:1, 10)
Tayo’y manalangin.
O Diyos naming Ama, pinadala Mo ang Iyong pinagpalang Anak, ang aming Tagapagligtas na si Hesukristo, upang palayain ang sangkatauhan mula sa kapangyarihan ng kamatayan: Kami, na umaala-ala sa kanyang kapangyarihan bilang Anak ng Tao, nawa ay magdiwang sa aming pagsalubong sa kanyang maluwalhating pagbabalik at laging magalak sa kanyang kaloob na walang-hanggang buhay; Siya na nabubuhay at naghaharing kasama Mo at ng Espiritu Santo, iisang Diyos, ngayon at magpasawalang hanggan. Amen.
