2,358 total views
Tiniyak ng Department of National Defense (DND) at Chief of Staff of the Armed Forces of the Philippines (CSAFP) ang pagpapanatili ng kapayapaan sa lalawigan ng Negros Oriental kasabay ng pagkamit ng katarungan sa pagpatay kay Governor Roel Degamo.
Ayon kay DND Acting Secretary Carlito Galvez, ipinag-utos ni Pangulong Ferdinand Marcos Jr. ang pagpapaigting ng seguridad upang mabawasan ang anumang criminal activities sa lugar.
“Also we have just deployed a 50-man specially-trained strong light reaction company, kung alam nyo po yung light reaction company they were involved in the battle of Marawi, from the deployment of HTE Armed Forces of the Philippines to monitor the remaining suspects, as the president had said that we will give justice to the family and sabi nya na for the suspects, you can run but you cannot hide, we will find you,” ayon sa pahayag Galvez.
Ipinagutos rin ng Punong Ehekutibo ang paglikha ng Joint Task Force ng AFP at Philippine National Police upang agad na madakip ang mga nalalabing suspects.
Tiniyak naman ni CSAFP General Andres Centino na nakatalaga na sa Negros Oriental ang 3rd Infantry Division ng Philippine Army at dalawang pang hanay mula rin sa AFP upang magbantay sa seguridad at mapanatili ang kapayapaan sa lugar.
“The joint task force will be headed by the Commander of 3rd Infantry Division Brigadier General Marion Sison and he will be assisted by two brigade commanders Brigadier General Leo Pena and Colonel Edralin, they are Brigade Commanders having operational control over six battalions in the island, we assure that the AFP in collaboration with the PNP and other law enforcement agencies will continue to protect the people and safeguard the peace and security in our community,” pahayag ni General Centino.
Apat na suspek na ang naaresto ng mga awtoridad habang pinaghahanap pa ang ibang kasabwat sa pagpaslang sa gobernador.
Naunang kinundena ni Dumaguete Bishop Julito Cortes ang kaganapan ng pagpaslang kay Governor Degamo dahil narin patunay ito ng pagpapatuloy ng ‘Culture of Violence’ sa bansa.
